Nye politikere møtte KFFs folk på skolelederkonferansen

Det var som vanlig stort engasjement i politikersamlingen på skolelederkonferansen i KFF i år også. Til stede og med engasjerte innlegg var stortingsrepresentant Henrik Asheim (H), rådgiver Hårek Hansen (Frp) og stortingsrepresentant Anders Tyvand (KrF). Møteleder var Odd Anders With som også er ansatt på KFF-skole og sitter i KFF-styret. Han hadde mange spørsmål til politikerne. Også mange av deltagerne på konferansen var aktivt med i samtalen.  

Hvis nett aviser gjengir KPKs artikkel og legge ut bilder eller kommentarer vil vi komme tilbake og legge ut her, i denne omgang legger vi ut artikkelen slik den er sendt ut. Til glede for våre nynorskbrukere kommer her nynorskversjonen:

"Åtvarar mot store endringar i privatskolelova

KrF åtvarar regjeringa  mot å liberalisere privatskolelova for mykje. Partiet fryktar framtidige ideologiske omkampar som kan skade friskolane.

Av Ole Andreas Husøy, KPK

Det var stortingsrepresentant Anders Tyvand, som er KrF sitt medlem i Stortingets kyrkje-, utdannings- og forskingskomité, som gav uttrykk for dette då han saman med representantar for regjeringspartia, stortingsrepresentant Henrik Asheim (H) og rådgivar Hårek Hansen (FrP) stilte til debatt på skoleleiarkonferansen til Kristne Friskolers Forbund på Gardermoen tysdag.

Tyvand sa at han fryktar store endringar i gjeldande lov vil kunne provosere krefter på venstresida i politikken som i utgangspunktet er negative til friskolar. Han viste til det privatskoleforliket KrF inngjekk med dei raudgrøne i 2007, og at det er viktig for friskolane å ha stabile rammevilkår som ikkje vert påverka dramatisk av regjeringsskifte.

Medan KrF er komfortabel med at lova opnar for friskolar som representerer eit livssynsmessig eller pedagogisk alternativ til den offentlege skolen, vil regjeringspartia Høgre og Framstegspartiet gi ei større opning for å etablere nye friskolar, kor ein ikkje stiller krav til at dei må representere eit livssynsmessig eller pedagogisk alternativ.

-Naturleg del av skole-Noreg

På andre område i friskolepolitikken avdekka debatten likevel brei semje mellom regjeringspartia og støttepartnar KrF. Når det gjeld synet på friskolane sin status i utdanningssystemet, er tonane annleis frå det noverande stortingsfleirtalet enn frå det førre.

-Utdanningssystemet skal ta utgangspunkt i at foreldra bør ha fritt skoleval. Friskolane er ein naturleg del av denne fridomen. Friskolane er difor ein naturleg del av skole-Noreg, sa Hårek Hansen.

Henrik Asheim sa at den nye regjeringa ser på friskolane som ein del av den norske skolen, og ikkje berre som eit supplement.

Han gjorde samstundes klart at det nye stortingsfleirtalet ikkje vil tillate skoleeigarar å ta ut utbytte av skoledrifta.

Frå velvilje til handling?

Representantar for friskole-Noreg er spente på kva den verbale velviljen vil resultere i når det kjem til konkrete tiltak, noko som kom fram under spørjerunden etter politikarane sine innlegg. Det vart frå fleire skoleleiarar sagt at regjeringa bør kome med konkrete løyvingar allereie på budsjettet for 2014.

Regjeringspartia sine representantar kunne naturleg nok ikkje love noko på det noverande tidspunkt, men gjekk langt i å antyde at om det ikkje kjem noko på 2014-budsjettet, vil det komme noko på statsbudsjettet for 2015.

-Når det i regjeringsplattforma står at vi vil utgreie kapitaltilskot til etablerte friskolar for oppgradering av eldre bygningsmasse, så er det ein grunn til det. Om det kjem i dette budsjettet, veit eg ikkje. Men vi må jobbe for at det kjem anten no eller på budsjettet for 2015, sa Henrik Asheim.

Anders Tyvand meinte det var viktig å løyve noko midlar til kapitaltilskot til skolane allereie på 2014-budsjettet, for å gi eit signal som ein kan byggje vidare på.

KFFs årlege skoleleiarkonferanse varte frå måndag til onsdag denne veka . Under konferanse i år vart det også markert at KFF er 25 år, og i tillegg til deltakarane på sjølve konferansen, var det også innbede ein del gjestar til sjølve jubileumsmarkeringa og jubileumsmiddagen tysdag kveld. KFF organiserer i dag drygt 120 kristne friskolar, frå grunnskole- til høgskolenivå. Om lag  halvparten av medlemsskolane er grunnskolar. KPK"